رجل 84 سنه يلتحق بالمدرسه ليتعلم

فى سنة 2004 راح راجل كينى اسمه كيمانى ماروجى لمدرسة ابتدائية وطلب انه يدخل سنة أولى ابتدائى ، وكان بينادى بالقانون اللى أعلنته الحكومة الكينية ان من حق كل انسان انه يتعلم :))
وفعلا وافقت الحكومة انه يدخل أولى ابتدائى وهو عنده 84 ، وبعدها بسنة أمريكا وجهتله دعوة عشان يتكلم فى مؤتمر وينادى بحقوق الفقراء فى التعليم على مستوى العالم ، وتم اختياره سفير للتعليم المجانى فى كل دول العالم ..

حصلت بعض الإضرابات فى كينيا سنة 2007 وتم طرد ماروجه من بيته، وده كان بيخليه يضطر يمشى على رجليه أكتر من 4 كيلو يوميا عشان يوصل المدرسة ..
وكمل ماروجى تعليمه لحد ما وصل للصف السابع وكان فاضلّه السنة التامنة ويبقى أخد الشهادة الابتدائية الكينية ، لكن جاله مرض السرطان وهزم جسمه وعمره ومات قبل ما ينهى أول مرحلة تعليمية فى حياته ..#عافر_فى_حلمك

ماروجى قد يبان انه ولا حاجة عشان عاش 84 سنة مبيعرفش يقرأ ولا يكتب وملوش قيمة ، لكنه اتحول اسطورة يضرب بيها المثل فى الصمود والإرادة ..

ماروجى كان أكبر طالب ابتدائى فى التاريخ .. أنت بقى لسه شايف ان قطر النجاح فاتك وان الوقت متأخر عشان توصل ؟